أنسي أيام الحُب والدفا
أنسي الـأماني
أنسي الأحلـام
ولملم جراحكـ وأبعد بعيد
أبعد عن ناس كُنت النور فى عيونهم
ياما أديتهم حُب وحنان
وما أخدت غير بُعدهم وقسوتهم
هتعتب علي مين ياقلبي!
ما هو ده حالك مع القريب
متنصدمش من قسوتهم
عيش زي ما كنت عايش
.. قبل ما تعرفهم ..
هتقولي الوحدة .. أحسن من قربهم إلي بيقتل
قلبك .. داويه وعيش فى الزمن وأنسي
ما خلاص قلبك أخد عالقسوة
وجروحك بدل ما تقل بتكتر
حتى القريب بقي زى الغريب
ما الحياة بقت كلها واحدة
هتقولي بيبان الحزن فى عنيك
وقلبك موجوع ومش لاقي ليه طبيب
ليك رب أدعي ليه وأشكي
وأصبر ما الجراح مكتوبة كده كده علينا
بلاش تفكر فيهم
وأنك محتاج تجري عليهم
تترمي فى حضنهم
وتنسي جراحك من نظرة من عنيهم
آه ياقلبي منك ومن طيبتك
حيرتني معاك
معقول لسه بتحبهم !!
والله أنك غريب
ما قولنا الحُب راح
ونسينا أيام الهوي والآهات
وقفلنا على صندوق الذكريات
ليه بتفتح في الصور من تاني
ما خلاص مبقاش ليك
لا صاحب ولا حبيب
قلبك بقي مكان للـأحزان
طريقك بقي حرمان
ذكرياتك بقت وهم ونسيان
أقفل على قلبك من تاني
وأنسي شئ أسمه حُب وأماني
صدقني مفيش أحلام من تاني
زمانا بقي فيه الحُب
شئ غالي
وصعب أنك تلاقيه من تاني
أضف تعليقا
من Satellite Provider
عزيزتي AMOLA كلماتك مميزة وحسك عالي رغم حزن حروفك ابدعت انستي
عبير قصيدتك اشبه بقطرة ندى هبطت على وردة فانعشتها
دمت بكل تميز
نوزاااااااااااااااااااا
من مصر
كلمات رقيقة وبجد جميله جدا لان اسلوبك قريب من اسلوبى
استمتعت بالقصيدة و دومت فى تميز
يسعدنى تشريفك مدونتى
مع تحياتى / إيهاب
جارتي الغالية
كتبتي فابدعتي في همسك رغم الحزن والالم الذي يلف حروفك
سلمت اناملك
كوني بخير
بسم الله الرحمن الرحيم
السلام عليكم ورحمة الله وبركاته
يطيب لى اتوجه بأحر واصدق التهاني بمناسبة حلول عيد الاضحى المبارك اعاده الله على الجميع وعلى الامه الاسلاميه بالخير واليمن والبركات
كل عام وانتم بخير
ريــــــــــــم
من مصر
اخى احمد فؤاد
شرفنى مرورك
وردك الطيب على صفحتى
تحيتي لك
من مصر
اختى نوزا
تسلمي على كلماتك الطيبه
وتعبيراتك الاروع
دام لي مرورك
تحيتي لكي
من مصر
اخي ايهاب
شرف لي استمتاعك بقراءه كلماتي
دمت بخير
من مصر
وانتى بالف خير عزيزتى ريم
تسلمي على مرورك المميز
تحيتي لكي
أضف تعليقا
<<الصفحة الرئيسية
من مصر
قراتك
تالمت لك لمست حنين لايام العش قو الثمالة و رايت كم عانيت
شرفني ان اقرا ادب رائع ها هنا
كوني بخير